"Manchester Siti" yarim himoyachisi Jeyms Makeyti Germaniyaga ko‘chib o‘tishga qiziqmoqda.
O‘tgan qishda 22 yoshli futbolchiga Leverkuzenning "Bayer" klubi qiziqish bildirgandi - shundan beri angliyalik faoliyatini davom ettirish variantini xayolida saqlab kelmoqda. Jurnalist Patrik Bergerning xabar berishicha, "shaharliklar" xavbeki kelasi yozda "farmasevtlar" safiga o‘tish uchun ochiq. Muammo shundaki, klublar o‘rtasidagi muzokaralarda hozircha siljish kuzatilmayapti.
Jeyms Makati joriy mavsumda Xosep Gvardiola jamoasining 24ta o‘yinida maydonga tushib, 7ta gol urishga erishdi. Futbolchining nufuzli Transfermarkt portalidagi taxminiy narxi - 18 mln yevro.
