"Манчестер Сити" ярим ҳимоячиси Жеймс Макэйти Германияга кўчиб ўтишга қизиқмоқда.
Ўтган қишда 22 ёшли футболчига Леверкузеннинг "Байер" клуби қизиқиш билдирганди - шундан бери англиялик фаолиятини давом эттириш вариантини хаёлида сақлаб келмоқда. Журналист Патрик Бергернинг хабар беришича, "шаҳарликлар" хавбеки келаси ёзда "фармацевтлар" сафига ўтиш учун очиқ. Муаммо шундаки, клублар ўртасидаги музокараларда ҳозирча силжиш кузатилмаяпти.
Жеймс Макати жорий мавсумда Хосеп Гвардиола жамоасининг 24та ўйинида майдонга тушиб, 7та гол уришга эришди. Футболчининг нуфузли Transfermarkt порталидаги тахминий нархи - 18 млн евро.
