Hozirda "Inter Mayami" sharafini himoya qilayotgan Lionel Messi "Barselona"ning 17 yoshli vingeri Lamin Yamal haqida o‘z fikrlarini bildirib o‘tdi.

Ispaniyalik futbolchini ko‘pincha Messiga qiyoslashadi va argentinalikning Kataloniya superklubidagi merosxo‘ri sifatida ko‘rishadi.

"Yamal erishgan va erishishda davom etayotgan natijalar hayratlanarli. U allaqachon Ispaniya bilan Yevropa chempioni bo‘lgan. U bor-yo‘g‘i 17 yoshda, u hali o‘sib bormoqda va u futbolchi sifatida takomillashishda davom etadi, men kabi o‘yin arsenalini kengaytiradi. U aql bovar qilmaydigan fazilatlarga ega - hozirning o‘zidayoq u dunyodagi eng yaxshilardan biri," - dedi Messi intervyuda.