Kolumbiya terma jamoasi afsonasi Karlos Valderrama "Real" hujumchisi Vinisius Juniorga maslahatlar berdi. U braziliyalik futbolchiga kamroq yig‘lashni va ko‘proq futbol o‘ynashni maslahat berdi.
"Unga bu kerak emas. U eng yaxshilardan o‘rganishi kerak. Eng zo‘rlar esa yig‘lab, nolimaydi. Eng zo‘rlarni oyog‘iga tepish mumkin, lekin ular oyoqqa turib dod solmaydi. Vinisius yig‘lashi shart emas, o‘ynashi kerak, tamom", - deydi Valderrama.
Joriy mavsumda Vinisius 45 ta o‘yin o‘tkazib, 20 ta gol urdi va 14 ta golli uzatma berdi.
