Konor Gallaxer Xulian Alvaresning bahsli penaltisi borasida o‘z fikri bilan o‘rtoqlashdi.
Madridning “Real” klubi YECHL 1/8 finalida “Atletiko”ni mag‘lub etdi (2:1, 0:1, penaltilar seriyasida 4:2).

Penaltilar seriyasida “matraschilar” hujumchisi Xulian Alvares zarbani amalga oshirishdan oldin sirpanib ketdi va ikki oyog‘i bilan to‘pga tegdi. U gol urishga muvaffaq bo‘lganiga qaramay, VAR bilan vaziyatni muhokama qilgan hakam golni hisoblamadi.

“To‘g‘risini aytsam, agar Alvares to‘pga ikki marta tegib qo‘ygan bo‘lsa, unda qoidalar aldamaydi. Biz buni qabul qilishimiz qiyin, chunki biz ko‘proq narsaga loyiq edik deb o‘ylayman.

Lekin bu futbol va unda hamma narsa bo‘lishi mumkin. Afsuski, o‘sha kuni bizga omad kulib boqmadi", - dedi "Atletiko" yarim himoyachisi.