Jurnalist Mirko Di Natale "Yuventus"ning 22 yoshli universal himoyachisi Nikolo Savona haqidagi mish-mishlarni tasdiqlaydi, u himoya markazida ham, himoyaning o‘ng qanotida ham yoki yarim himoyachilar beshligida qanot himoyachisi sifatida o‘ynashga qodir. Futbolchi Yevropaning ko‘plab klublari e’tiborida.

Eng katta qiziqishni himoya qanotlarini yangilashni rejalashtirayotgan "Bayer" ko‘rsatmoqda, chunki Jeremi Frimpong katta ehtimol bilan jamoani tark etadi. Nemislar Nikolo uchun 20-25 million yevro taklif qilishi mumkin.

Premyer-ligada "Bornmut," shuningdek, "Everton" va "Vest Xem" vaziyatni diqqat bilan kuzatib bormoqda. "Yuventus"ga yaqin manbalarning ta’kidlashicha, hozircha aniq bir narsa haqida gapirishga erta, ammo klub vaziyatni diqqat bilan tahlil qilmoqda va agar juda foydali taklif tushsa, sotishga rozi bo‘lishi mumkin.

Eslatib o‘tamiz, ushbu mavsumda italiyalik futbolchi "Yuve" safida barcha musobaqalarda 33 ta o‘yinda maydonga tushib, 2 ta gol va 1 ta golli uzatmani amalga oshirgan.