Журналист Мирко Ди Натале "Ювентус"нинг 22 ёшли универсал ҳимоячиси Николо Савона ҳақидаги миш-мишларни тасдиқлайди, у ҳимоя марказида ҳам, ҳимоянинг ўнг қанотида ҳам ёки ярим ҳимоячилар бешлигида қанот ҳимоячиси сифатида ўйнашга қодир. Футболчи Европанинг кўплаб клублари эътиборида.

Энг катта қизиқишни ҳимоя қанотларини янгилашни режалаштираётган "Байер" кўрсатмоқда, чунки Жереми Фримпонг катта эҳтимол билан жамоани тарк этади. Немислар Николо учун 20-25 миллион евро таклиф қилиши мумкин.

Премьер-лигада "Борнмут," шунингдек, "Эвертон" ва "Вест Хэм" вазиятни диққат билан кузатиб бормоқда. "Ювентус"га яқин манбаларнинг таъкидлашича, ҳозирча аниқ бир нарса ҳақида гапиришга эрта, аммо клуб вазиятни диққат билан таҳлил қилмоқда ва агар жуда фойдали таклиф тушса, сотишга рози бўлиши мумкин.

Эслатиб ўтамиз, ушбу мавсумда италиялик футболчи "Юве" сафида барча мусобақаларда 33 та ўйинда майдонга тушиб, 2 та гол ва 1 та голли узатмани амалга оширган.