"Real" tayanch yarim himoyachisi Eduardo Kamavinga "Barselona"ga qarshi Ispaniya kubogi finalidan oldin jarohat oldi. Bu haqda Diario AS xabar bermoqda.

Manbaga ko‘ra, fransiyalik xavbekda yaqinlashtiruvchi mushak yorilishi tashxisi qo‘yilgan, shu sababli futbolchi kataloniyaliklarga qarshi o‘yinda jamoasiga yordam bera olmaydi.

Kamavinga joriy mavsumda barcha musobaqalarda 34 ta uchrashuvda maydonga tushib, 2 ta gol urdi va 2 ta golli uzatmaga mualliflik qildi.

"Barselona" va "Real" o‘rtasidagi final uchrashuvi 26 aprel, shanba kuni bo‘lib o‘tadi. Qarama-qarshilik Toshkent vaqti bilan 01:00 da boshlanishi rejalashtirilgan.