"Реал" таянч ярим ҳимоячиси Эдуардо Камавинга "Барселона"га қарши Испания кубоги финалидан олдин жароҳат олди. Бу ҳақда Diario AS хабар бермоқда.
Манбага кўра, франциялик хавбекда яқинлаштирувчи мушак ёрилиши ташхиси қўйилган, шу сабабли футболчи каталонияликларга қарши ўйинда жамоасига ёрдам бера олмайди.
Камавинга жорий мавсумда барча мусобақаларда 34 та учрашувда майдонга тушиб, 2 та гол урди ва 2 та голли узатмага муаллифлик қилди.
"Барселона" ва "Реал" ўртасидаги финал учрашуви 26 апрель, шанба куни бўлиб ўтади. Қарама-қаршилик Тошкент вақти билан 01:00 да бошланиши режалаштирилган.
