"Barselona" darvozaboni Voysex Shesni "Arsenal"da Emiliano Martines bilan kiyinish xonasini qanday bo‘lishgani haqidagi savolga javob berdi.
"Martines juda yosh, hissiyotlarga boy edi. U ijaraga ketdi va ishlari unchalik yurishmadi, u zaxira o‘rindig‘ida o‘tirardi va bu uni xafa qilardi. U barchasiga moslashib olgach, bugun biz ko‘rayotgan darvozabonga aylandi," - deya Shesnining so‘zlarini keltiradi Barca Universal.
Ayni paytda 32 yoshli Martines "Aston Villa" sharafini himoya qilmoqda. U joriy mavsumda 48 ta o‘yinda maydonga tushib, 58 ta gol o‘tkazib yubordi va 12 marta o‘z darvozasini daxlsiz qoldirishga muvaffaq bo‘ldi.
