"Barselona" darvozaboni Mark-Andre ter Shtegen "Valyadolid"ga qarshi bo‘lajak o‘yinda maydonga tushishi mumkin.
O‘yin shanba kuni bo‘lib o‘tadi. Bosh murabbiy Xans-Diter Flik jamoaning ko‘plab yetakchilariga Chempionlar Ligasi yarim finalida "Inter" bilan javob uchrashuviga qadar tiklanishlari uchun dam beradi. Jurnalist Toni Xuanmarti xabariga ko‘ra, "Valyadolid"ga qarshi o‘yinda "ko‘k-anorranglilar" darvoza pozisiyasini katta ehtimol bilan sentyabr oyidan beri jarohati tufayli maydonga tushmayotgan ter Shtegen egallaydi. Manbaga ko‘ra, himoya qanotlarida Jerar Martin va Ektor Fort maydonga tushadi, shuningdek, avgust oyidan beri birinchi marta markaziy himoyachi Andreas Kristensen boshlang‘ich tarkibda o‘ynashi mumkin.
Bo‘lajak o‘yinda yarim himoyachilar Gavi va Fermin Lopes o‘z imkoniyatlarini qo‘lga kiritishadi. Hujumda Pau Viktor va Ansu Fatining paydo bo‘lishi ehtimoli yuqori. Lamin Yamalning maydonga tushishi bo‘yicha savollar turibdi: Flik 17 yoshli vingerga dam beradimi yoki yo‘qmi, hozircha noma’lum.
