"Барселона" дарвозабони Марк-Андре тер Штеген "Вальядолид"га қарши бўлажак ўйинда майдонга тушиши мумкин.

Ўйин шанба куни бўлиб ўтади. Бош мураббий Ханс-Дитер Флик жамоанинг кўплаб етакчиларига Чемпионлар Лигаси ярим финалида "Интер" билан жавоб учрашувига қадар тикланишлари учун дам беради. Журналист Тони Хуанмарти хабарига кўра, "Вальядолид"га қарши ўйинда "кўк-анорранглилар" дарвоза позициясини катта эҳтимол билан сентябрь ойидан бери жароҳати туфайли майдонга тушмаётган тер Штеген эгаллайди. Манбага кўра, ҳимоя қанотларида Жерар Мартин ва Эктор Форт майдонга тушади, шунингдек, август ойидан бери биринчи марта марказий ҳимоячи Андреас Кристенсен бошланғич таркибда ўйнаши мумкин.

Бўлажак ўйинда ярим ҳимоячилар Гави ва Фермин Лопес ўз имкониятларини қўлга киритишади. Ҳужумда Пау Виктор ва Ансу Фатининг пайдо бўлиши эҳтимоли юқори. Ламин Ямалнинг майдонга тушиши бўйича саволлар турибди: Флик 17 ёшли вингерга дам берадими ёки йўқми, ҳозирча номаълум.