Portugaliyalik mutaxassis Jorje Jezush Saudiya Arabistonining "Al-Hilol" klubi bosh murabbiyligidan ketdi, deb xabar bermoqda A Bola jurnalistlari.
Manbaga ko‘ra, klub rahbariyati jamoa Osiyo Chempionlar ligasidan chiqib ketgach, 70 yoshli murabbiy bilan xayrlashishga qaror qilgan. Turnirning yarim finalida "Al-Hilol" "Al-Ahli"ga 1:3 hisobida mag‘lub bo‘ldi.
Eslatib o‘tamiz, Jezush boshchiligidagi jamoa o‘tgan mavsumda Saudiya Arabistoni chempioni va Qirol kubogi sohibiga aylangan edi.
Mamlakat chempionatining joriy mavsumida "Al-Hilol" turnir jadvalida ikkinchi o‘rinda bormoqda.













