“Inter”ning argentinalik hujumchisi Lautaro Martines bir necha yil oldin “Barselona”ga o‘tishi mumkin edi. Bu haqda Diario Sport xabar berdi.

Manbaga ko‘ra, "Barselona" forvardni Argentinada o‘ynab yurgan vaqtida (2018 yil) sakkiz million yevroga sotib olishga yaqin turgan edi. Biroq, klub Martinesning transferi bo‘yicha kelishuvga kelmadi, shuning uchun ular boshqa ustuvorliklarga e’tibor qaratishga qaror qilishdi.

Joriy mavsumda 27 yoshli hujumchi “Inter” safida 47 ta o‘yin o‘tkazib, 21 ta gol urdi va 6 ta golli uzatmani amalga oshirdi. Martinesning klub bilan amaldagi shartnomasi 2029 yilgacha mo‘ljallangan.