“Manchester Siti” yarim himoyachisi Kevin de Bryuyne joriy mavsum yakunlangach jamoani tark etishi mumkin va u Italiyaning “Napoli” klubiga o‘tish imkoniyatini jiddiy ko‘rib chiqmoqda.
Jurnalist Sasha Tavolyerining ma’lum qilishicha, o‘tgan hafta futbolchining agentlari “Napoli”ning sport direktori Jovanni Manna bilan uchrashgan. De Bryuyne A Seriyada faoliyat olib borishga qiziqish bildirmoqda — bu qarorga unga Romelu Lukaku va Dris Mertensning tavsiyalari ta’sir ko‘rsatgan.
Kutilishicha, “Napoli” kelayotgan haftada Kevin de Bryuynega rasmiy yozma taklif yuboradi.
