"Barselona" La Liganing 35-turida "Real"ni mag‘lub etdi (4:3) va turnir jadvalida 82 ochko jamg‘ardi. Ikkinchi o‘rinda borayotgan "Real" bilan oradagi farq chempionat tugashiga 3 tur qolganida 7 ochkoga yetdi.

Finishdagi ochkolar soni teng bo‘lganda, birinchi navbatda "Barselona" ustunlik qilayotgan o‘zaro o‘yinlar natijalari hisobga olinadi (birinchi davrada 4:0, ikkinchi davrada 4:3 hisobida g‘alaba qozonilgan). Shu tariqa, kataloniyaliklar chempionlikni naqd qilib qo‘yish uchun 2 ochko to‘plashi kifoya. "Real" esa qolgan uchta turda ham g‘alaba qozongan taqdirdagina "Barselona"ni quvib o‘tish imkoniyatini saqlab qolishi mumkin.

Endi "Barselona"ni "Espanol" (mehmon), "Vilyarreal" (uy) va "Atletik" (mehmon) bilan o‘yinlar kutib turibdi. "Real" "Malorka" (uy), "Sevilya" (mehmon) va "Real Sosedad" (uy) bilan o‘ynaydi.