"Барселона" Ла Лиганинг 35-турида "Реал"ни мағлуб этди (4:3) ва турнир жадвалида 82 очко жамғарди. Иккинчи ўринда бораётган "Реал" билан орадаги фарқ чемпионат тугашига 3 тур қолганида 7 очкога етди.
Финишдаги очколар сони тенг бўлганда, биринчи навбатда "Барселона" устунлик қилаётган ўзаро ўйинлар натижалари ҳисобга олинади (биринчи даврада 4:0, иккинчи даврада 4:3 ҳисобида ғалаба қозонилган). Шу тариқа, каталонияликлар чемпионликни нақд қилиб қўйиш учун 2 очко тўплаши кифоя. "Реал" эса қолган учта турда ҳам ғалаба қозонган тақдирдагина "Барселона"ни қувиб ўтиш имкониятини сақлаб қолиши мумкин.
Энди "Барселона"ни "Эспанол" (меҳмон), "Вилярреал" (уй) ва "Атлетик" (меҳмон) билан ўйинлар кутиб турибди. "Реал" "Малорка" (уй), "Севилья" (меҳмон) ва "Реал Соседад" (уй) билан ўйнайди.
