Мадриднинг «Атлетико» клуби «Барселона»нинг Хулиан Альварес трансфери бўйича қилган биринчи таклифини рад этди. Бу ҳақда журналист Алекс Пинтанель хабар бермоқда.

Манбага кўра, «матрасчилар» аргентиналик футболчини 100 миллион еврога сотишдан бош тортишган. «Барселона» таклифни 120 миллион еврогача оширишга тайёр, бироқ келишув ҳали якунига етишидан анча йироқ. Ҳатто Альвареснинг ўзи трансферни талаб қилаётган бўлса-да, томонлар Жаҳон чемпионати бошланишидан олдин келишувга эришишлари даргумон.

2025/26 йилги мавсумда Альварес барча турнирларда 49 та учрашувда иштирок этиб, 20 та гол урди ва 9 та голли узатмага муаллифлик қилди.