"Liverpul" hujumchisi Darvin Nunyes yaqinlashib kelayotgan transfer oynasida klubini o‘zgartirishi mumkin.

Urugvaylik futbolchiga qiziqish Saudiya chempionati vakillari bilan bog‘liq edi. Jurnalist Devid Linchning so‘zlariga ko‘ra, forvardning o‘zi kelasi yozda Saudiya Arabistoniga ko‘chib o‘tishga tayyor, biroq unga Yevropaning nufuzli klublari ham qiziqish bildirmoqda.

Transfermarkt ma’lumotlariga ko‘ra, Darvin Nunyesning transfer qiymati 50 million yevroni tashkil qiladi. 2022 yilning yozida “Liverpul” futbolchini Portugaliyaning “Benfika” klubidan 85 million yevro evaziga sotib oldi.