"Bornmut" klubi hujumchisi Antuan Semenyo boshqa ingliz jamoasida o‘ynash imkoniyatiga ega. Bu haqda Talksport jurnalistlari xabar bermoqda.

Manbaga ko‘ra, 25 yoshli ganalik hujumchini "Manchester Yunayted" o‘z safiga qo‘shib olmoqchi. "Qizil iblislar" vakillari hujumchi bilan hamkorlik borasida dastlabki muzokaralarni olib bordi. Semenyoning transfer narxi 35 million yevroga baholanmoqda.

Hujumchi joriy mavsum "Bornmut" safida 40 ta bahsda ishtirok etib, 11 ta gol va 7 ta golli uzatma muallifi bo‘ldi.