"Борнмут" клуби ҳужумчиси Антуан Семеньо бошқа инглиз жамоасида ўйнаш имкониятига эга. Бу ҳақда Talksport журналистлари хабар бермоқда.
Манбага кўра, 25 ёшли ганалик ҳужумчини "Манчестер Юнайтед" ўз сафига қўшиб олмоқчи. "Қизил иблислар" вакиллари ҳужумчи билан ҳамкорлик борасида дастлабки музокараларни олиб борди. Семеньонинг трансфер нархи 35 миллион еврога баҳоланмоқда.
Ҳужумчи жорий мавсум "Борнмут" сафида 40 та баҳсда иштирок этиб, 11 та гол ва 7 та голли узатма муаллифи бўлди.













