"Bolonya" Italiya kubogi finalida "Milan"dan ustun keldi va o‘z tarixida uchinchi marta kubokni qo‘lga kiritdi. "Milan"ning amerikalik yarim himoyachisi Kristian Pulishich hafsalasi pir bo‘lganini yashirmayapti. Uning fikricha, raqib shunchaki yaxshiroq emas, balki ancha yaxshiroq o‘ynadi.
"Nega bunday bo‘ldi? Bilmadim, hammamizning hafsalamiz pir bo‘ldi. Biz yaxshi o‘ynamadik, raqib ancha yaxshi. Ular faol bosim o‘tkazishdi va bizga juda ko‘p muammolar tug‘dirishdi. Endi chempionatning qolgan ikki o‘yinida g‘alaba qozonishga harakat qilish qoldi," - deya Pulishichning so‘zlarini keltiradi pianetamilan.it.
