La Gazzetta dello Sport xabariga ko‘ra, "Milan" xo‘jayini Djerri Kardinale jamoaning joriy mavsumdagi natijalaridan qattiq xafa bo‘lib, aybni sport rahbariyatiga, jumladan Zlatan Ibrahimovichga yuklamoqda.
Kardinal yangi sport direktorini tayinlashdan boshlab, 2025/26 yilgi mavsum uchun klubning sport yo‘nalishini qayta ko‘rib chiqishi kutilmoqda. “Rossoneri” egasi “San-Siro”da yangi loyihani ishga tushirish uchun mutaxassis olib kelmoqchi. Klub bosh direktori Jorjio Furlani tomonidan saylangan sport direktori zimmasiga klubni qayta tashkil etish va kelasi mavsum uchun raqobatbardosh jamoa tuzish vazifasi yuklanadi.
Aynan yangi sport direktori Ibragimovichning rolini belgilaydi, u hozirda xo‘jayinlarning katta maslahatchisi bo‘lib ishlaydi. Shvesiyalik futbolchi bu lavozimda 2023 yilning dekabridan beri ishlab kelmoqda, biroq "Milan"ning joriy mavsumdagi yomon natijalari tufayli u kelajagi haqida hech qanday kafolatga ega emas, shuning uchun uning kelajagi yangi sport direktorining qarashlariga bog‘liq.
Qo‘shimcha qilamizki, chempionat tugashiga 2 tur qolganda “Milan” 60 ochko bilan A Seriya turnir jadvalida 8-o‘rinda bormoqda.
