"Milan" bu hafta boshida Italiya kubogi finalida "Bolonya"dan mag‘lubiyat bilan yakunlangan halokatli mavsumni boshidan kechirmoqda. “Rossoneri” A Seriya jadvalida sakkizinchi o‘rinni egallab turibdi va hattoki Yevropa ligasiga yo‘llanma olish uchun minimal imkoniyatlarga ega.

Xullas, "Milan"ning sobiq bosh murabbiyi Arrigo Sakki jamoaning ko‘ngilsiz mavsumini tahlil qildi.

"Klub hamma narsadan, hatto murabbiy va futbolchilardan ham ustun. Sizningcha, bugungi "Milan" aniq tasavvurga ega deb o‘ylaysizmi? Shaxsan men unday emas. Ular ko‘r-ko‘rona harakat qilishmoqda, demak ular muqarrar ravishda devorga urilishadi

Konseysauni tayinlab, rahbarlar jiddiy xatoga yo‘l qo‘yishdi. Mavsum o‘rtasida ular orqaga qaytishga qaror qilishdi va murabbiylik ishini Konseysauga berishdi. Menimcha, u eng kam aybdor, chunki u mutlaq tartibsiz joyga keldi", dedi Sakki.

Eslatib o‘tamiz, “Milan” A Seriyadagi navbatdagi o‘yinini “Olimpiko” stadionida “Roma”ga qarshi o‘tkazadi.