"Chelsi" klubi qanot himoyachisi va sardori Ris Jeyms yaqin transferlar davrida London klubini tark etmaydi.

Insayder Fabrisio Romanoning ta’kidlashicha, "Chelsi" so‘nggi bir necha oy ichida OAV xabarlariga qaramay, 25 yoshli futbolchi bilan xayrlashish variantini hech qachon ko‘rib chiqmagan. Qayd etilishicha, Jeyms "Chelsi"ning joriy loyihasining asosiy qismi hisoblanadi.

Joriy mavsumda himoyachi barcha turnirlarda 25 ta o‘yinda maydonga tushib, 2 ta gol urdi va 2 ta golli uzatmani o‘z hisobiga yozdirib qo‘ydi.

Jeymsning "Chelsi" bilan amaldagi shartnomasi 2028 yilga qadar imzolangan.