"Челси" клуби қанот ҳимоячиси ва сардори Рис Жеймс яқин трансферлар даврида Лондон клубини тарк этмайди.
Инсайдер Фабрицио Романонинг таъкидлашича, "Челси" сўнгги бир неча ой ичида ОАВ хабарларига қарамай, 25 ёшли футболчи билан хайрлашиш вариантини ҳеч қачон кўриб чиқмаган. Қайд этилишича, Жеймс "Челси"нинг жорий лойиҳасининг асосий қисми ҳисобланади.
Жорий мавсумда ҳимоячи барча турнирларда 25 та ўйинда майдонга тушиб, 2 та гол урди ва 2 та голли узатмани ўз ҳисобига ёздириб қўйди.
Жеймснинг "Челси" билан амалдаги шартномаси 2028 йилга қадар имзоланган.
