Madridning "Real" klubida himoya chizig‘ini kuchaytirish ishlari davom etmoqda. Yaqinda klub "Bornmut"dan markaziy himoyachi Din Xeysenni o‘z safiga qo‘shib olganini e’lon qildi va tez orada himoyaning chap qanotini ham kuchaytirishi kutilmoqda. Avvalroq xabar qilinganidek, "Benfika" futbolchisi Alvaro Karreras asosiy nishon sifatida ko‘rilmoqda. Insayder Fabrisio Romanoning ma’lum qilishicha, ispaniyalik futbolchi allaqachon "qirollik klubi"ga o‘tishga rozilik bergan. Endi 22 yoshli futbolchi "qaymoqranglilar"ning "Benfika" bilan kelishuvga erishishini kutmoqda.
"Manchester Yunayted" - Alvaro Karrerasning avvalgi klubi - lateralni sezilarli darajada arzonlashtirilgan narxda qayta sotib olish imkoniyatiga ega, ammo "qizil iblislar," aftidan, bu imkoniyatdan foydalanmaydi.
Futbolchining shartnomasida 50 mln yevro tovon puli belgilangan.
