Мадриднинг "Реал" клубида ҳимоя чизиғини кучайтириш ишлари давом этмоқда. Яқинда клуб "Борнмут"дан марказий ҳимоячи Дин Хейсенни ўз сафига қўшиб олганини эълон қилди ва тез орада ҳимоянинг чап қанотини ҳам кучайтириши кутилмоқда. Аввалроқ хабар қилинганидек, "Бенфика" футболчиси Альваро Каррерас асосий нишон сифатида кўрилмоқда. Инсайдер Фабрицио Романонинг маълум қилишича, испаниялик футболчи аллақачон "қироллик клуби"га ўтишга розилик берган. Энди 22 ёшли футболчи "қаймоқранглилар"нинг "Бенфика" билан келишувга эришишини кутмоқда.

"Манчестер Юнайтед" - Альваро Каррераснинг аввалги клуби - латерални сезиларли даражада арзонлаштирилган нархда қайта сотиб олиш имкониятига эга, аммо "қизил иблислар," афтидан, бу имкониятдан фойдаланмайди.

Футболчининг шартномасида 50 млн евро товон пули белгиланган.