Kataloniyaning "Barselona" klubi yaqin haftalarda yarim himoyachi Rafinya bilan shartnoma masalasini hal qilmoqchi. Bu haqda “ko‘k-anorranglilar” prezidenti Joan Laporta ma’lum qildi.
"Rafinyaning shartnomasi - hal etilmagan masalalardan biri. Biz buni yaqin vaqt ichida hal qilishimiz kerak. Klub hech bir futbolchini shartnomasi muddati tugaydigan holda qoldirishni istamayapti. Biz futbolchilarimiz bilan imkon qadar ko‘p yillik shartnomalar bo‘lishini istaymiz. Ular bunga loyiq", - deydi Laporta.
Joriy mavsumda Rafinya 55 ta o‘yin o‘tkazdi. Braziliyalik vinger 34 ta gol urdi va 25 ta golli uzatmani amalga oshirdi.
