Каталониянинг "Барселона" клуби яқин ҳафталарда ярим ҳимоячи Рафинья билан шартнома масаласини ҳал қилмоқчи. Бу ҳақда “кўк-анорранглилар” президенти Жоан Лапорта маълум қилди.
"Рафиньянинг шартномаси - ҳал этилмаган масалалардан бири. Биз буни яқин вақт ичида ҳал қилишимиз керак. Клуб ҳеч бир футболчини шартномаси муддати тугайдиган ҳолда қолдиришни истамаяпти. Биз футболчиларимиз билан имкон қадар кўп йиллик шартномалар бўлишини истаймиз. Улар бунга лойиқ", - дейди Лапорта.
Жорий мавсумда Рафинья 55 та ўйин ўтказди. Бразилиялик вингер 34 та гол урди ва 25 та голли узатмани амалга оширди.
