"Barselona" yozgi transferlar vaqtida hujum chizig‘ini kuchaytirishni rejalashtirmoqda.
"Ko‘k-anorranglilar" hozirgi bosh murabbiy Xans-Diter Flik qo‘l ostida ajoyib natijalar ko‘rsatmoqda, ammo rahbariyat baribir hujumni kuchaytirish zarurligini ko‘rmoqda. Diario Sport nashri tarqatgan xabarga ko‘ra yangi vingerni o‘z safiga qo‘shib olish kataloniyaliklarning yozgi transferdagi ustuvor maqsadi hisoblanadi. Klub hech kimni sota olmasa ham, bu pozisiya mustahkamlanadi.
"Barselona" muddatidan avval La Ligada g‘alaba qozondi, shuningdek, Superkubok va Ispaniya Kubogi g‘olibiga aylandi. Chempionlar ligasida Flik jamoasi yarim finalga qadar yetib bordi va u yerda Milanning "Inter" klubiga yutqazdi.
