"Барселона" ёзги трансферлар вақтида ҳужум чизиғини кучайтиришни режалаштирмоқда.

"Кўк-анорранглилар" ҳозирги бош мураббий Ханс-Дитер Флик қўл остида ажойиб натижалар кўрсатмоқда, аммо раҳбарият барибир ҳужумни кучайтириш зарурлигини кўрмоқда. Diario Sport нашри тарқатган хабарга кўра янги вингерни ўз сафига қўшиб олиш каталонияликларнинг ёзги трансфердаги устувор мақсади ҳисобланади. Клуб ҳеч кимни сота олмаса ҳам, бу позиция мустаҳкамланади.

"Барселона" муддатидан аввал Ла Лигада ғалаба қозонди, шунингдек, Суперкубок ва Испания Кубоги ғолибига айланди. Чемпионлар лигасида Флик жамоаси ярим финалга қадар етиб борди ва у ерда Миланнинг "Интер" клубига ютқазди.