Londonning "Tottenxem" klubi forvardi Son Xyon Min Yevropa Ligasi 2024/2025 yilgi mavsum g‘olibligidan keyin o‘z fikrlarini bildirdi. Turnirning hal qiluvchi o‘yinida "shporlar" Angliyaning boshqa bir klubi - "Manchester Yunayted" ustidan 1:0 hisobida g‘alaba qozondi.
"Men hozir juda baxtliman. Nihoyat, bu sovringa qo‘l tekkiza olaman. Biz bu muvaffaqiyat sari uzoq yo‘l bosdik. Yaqindagina men o‘zim juda hurmat qiladigan Xarri Keyn uchun juda xursand edim. Xarri, endi biz ham chempionlikni qo‘lga kiritdik," - deya hujumchining so‘zlarini keltiradi TNT Sports.













