Лондоннинг "Тоттенхэм" клуби форварди Сон Хён Мин Европа Лигаси 2024/2025 йилги мавсум ғолиблигидан кейин ўз фикрларини билдирди. Турнирнинг ҳал қилувчи ўйинида "шпорлар" Англиянинг бошқа бир клуби - "Манчестер Юнайтед" устидан 1:0 ҳисобида ғалаба қозонди.
"Мен ҳозир жуда бахтлиман. Ниҳоят, бу совринга қўл теккиза оламан. Биз бу муваффақият сари узоқ йўл босдик. Яқиндагина мен ўзим жуда ҳурмат қиладиган Харри Кейн учун жуда хурсанд эдим. Харри, энди биз ҳам чемпионликни қўлга киритдик," - дея ҳужумчининг сўзларини келтиради TNT Sports.













