Madridning "Real" klubi vingeri Rodrigoga Angliyada xaridorlar yetarli, ammo da’vogarlardan biri uning nomzodidan voz kechishga qaror qilgan.

Braziliyalik futbolchiga "Arsenal," "Chelsi" va "Liverpul" klublari qiziqish bildirgan. Jurnalist Ben Jeykobsning ma’lum qilishicha, "Liverpul" kurashdan chiqib ketgan. "Ko‘klar" ham 24 yoshli futbolchini asosiy maqsad sifatida ko‘rmayapti, "kanonirlar" esa hamon transfer masalasini jiddiy o‘rganmoqda.

Rodrigo yozda sotib yuborilishi mumkin, chunki u "qaymoqranglilar" safida Kilian Mbappe va Vinisius Junior borligi sababli doimiy o‘yin amaliyotiga umid qila olmaydi. Transfermarkt portali mutaxassislari "Santos" tarbiyalanuvchisining narxini 100 mln yevroga baholamoqda.