Angliya chempionatining so‘nggi turidan o‘rin olgan o‘yinlardan birida “Fulxem” va “Manchester Siti” jamoalari to‘qnash kelishdi.
Jamoalarning boshlang‘ich tarkiblarida ingliz futbolchilari yo‘qligi qiziqarli holat sifatida tarixga kirdi.
Opta xabariga ko‘ra, Angliya Premyer-ligasi tarixida bir uchrashuvda asosiy tarkibda maydonga tushgan 22 o‘yinchi orasida Angliya vakili bo‘lmagani bor-yo‘g‘i ikkita holat bo‘lgan.
Bu birinchi marta 2009 yilning dekabr oyida "Portsmut" va "Arsenal" o‘rtasidagi o‘yinda sodir bo‘lgan.
Ikkinchi voqea 2019 yilning yanvarida, o‘shanda “Arsenal” va “Chelsi” o‘rtasida derbi bo‘lib o‘tgan edi.
