Англия чемпионатининг сўнгги туридан ўрин олган ўйинлардан бирида “Фулхэм” ва “Манчестер Сити” жамоалари тўқнаш келишди.
Жамоаларнинг бошланғич таркибларида инглиз футболчилари йўқлиги қизиқарли ҳолат сифатида тарихга кирди.
Opta хабарига кўра, Англия Премьер-лигаси тарихида бир учрашувда асосий таркибда майдонга тушган 22 ўйинчи орасида Англия вакили бўлмагани бор-йўғи иккита ҳолат бўлган.
Бу биринчи марта 2009 йилнинг декабрь ойида "Портсмут" ва "Арсенал" ўртасидаги ўйинда содир бўлган.
Иккинчи воқеа 2019 йилнинг январида, ўшанда “Арсенал” ва “Челси” ўртасида дерби бўлиб ўтган эди.
