"Liverpul" hujumchisi Luis Dias yozgi transferlar davrida "An-Nasr"ga ko‘chib o‘tishi mumkin.
Kolumbiyalik futbolchi Saudiya klubining ustuvor maqsadiga aylandi, deb xabar bermoqda jurnalist Aleks Kruk. 28 yoshli futbolchi iyun oyi oxirida shartnomasi tugaydigan Krishtianu Ronalduning o‘rnini qisman ar-Riyod jamoasida to‘ldirishi mumkin.
Luis Dias o‘tgan mavsumda "qizillar" safida 50 ta bahsda 17 ta gol va sakkizta assist muallifi bo‘ldi. Transfermarkt portali forvardning narxini 85 mln yevroga baholamoqda. Futbolchiga "Barselona" ham qiziqish bildirayotgan edi.













