Milanning "Inter" klubida to‘p tepayotgan italiyalik yarim himoyachi Nikolo Barella Ispaniya chempionatiga o‘tishi mumkin. Bu haqda Todofichajes portali sahifalarida xabar berildi.

Manbaning xabariga ko‘ra, yarim himoyachiga "Real" klubi qiziqmoqda. "Qirollik" klubi 28 yoshli futbolchining nomzodini jamoani tark etgan xorvatiyalik Luka Modrichga o‘rinbosar sifatida ko‘rib chiqmoqda.

Barellaning "neradzurrilar" bilan shartnomasi 2029 yilning iyun oyi oxirigacha mo‘ljallangan. "Inter" italiyalikning transferi uchun 80-100 million yevro olishni kutmoqda.

A Seriyaning o‘tgan mavsumida Nikolo 33 ta o‘yinda maydonga tushib, 3 ta gol urdi va 6 ta golli uzatmani amalga oshirdi.