Athletic xabariga ko‘ra, London klubi 25 yoshli vingerni "Manchester Yunayted"dan sotib olmaydi, chunki ular futbolchi bilan shaxsiy shartnoma shartlari bo‘yicha kelisha olmagan.

Ma’lum qilinishicha, "Chelsi" "Manchester Yunayted"ga 25 million funtgacha bo‘lishi mumkin bo‘lgan majburiy sotib olish bandini bajarmagani uchun 5 million funt to‘laydi.

Ayni damda Sanchoda faoliyatini Angliya va boshqa Yevropa davlatlarida davom ettirish imkoniyatlari bor. Qanot futbolchisi kelajagi borasida qaror qabul qilish uchun takliflarni o‘rganib chiqmoqchi.

O‘tgan mavsumda Sancho "Chelsi" safida Premyer-ligada 31 ta o‘yin o‘tkazib, 3 ta gol urdi va 4 ta golli uzatmani amalga oshirdi.