"Komo" ustozi Sesk Fabregas "Inter" bilan muzokaralar olib bormoqda. Tomonlar chorshanba kuni uchrashdilar. Hozircha hech qanday kelishuvga erishilmagan, ammo hamma narsa payshanba kuni hal qilinishi kerak.
Jurnalist Alfredo Pedullaning xabar berishicha, ispaniyalik murabbiy yana bir yilga uzaytirilishi mumkin bo‘lgan uch yillik shartnoma so‘ragan, murabbiy transfer ishlarida ham faol ishtirok etishni istamoqda va yozda jamoada katta o‘zgarishlar bo‘lishini kutmoqda.
Manba ta’kidlaganidek, Fabregas va "Inter" o‘rtasida transferlar masalasida kelishmovchiliklar mavjud. Eslatib o‘tamiz, "neradzurrilar" yaqinda Simone Indzagi bilan xayrlashgandi.
