"Комо" устози Сеск Фабрегас "Интер" билан музокаралар олиб бормоқда. Томонлар чоршанба куни учрашдилар. Ҳозирча ҳеч қандай келишувга эришилмаган, аммо ҳамма нарса пайшанба куни ҳал қилиниши керак.

Журналист Альфредо Педулланинг хабар беришича, испаниялик мураббий яна бир йилга узайтирилиши мумкин бўлган уч йиллик шартнома сўраган, мураббий трансфер ишларида ҳам фаол иштирок этишни истамоқда ва ёзда жамоада катта ўзгаришлар бўлишини кутмоқда.

Манба таъкидлаганидек, Фабрегас ва "Интер" ўртасида трансферлар масаласида келишмовчиликлар мавжуд. Эслатиб ўтамиз, "нерадзуррилар" яқинда Симоне Индзаги билан хайрлашганди.