Globo Esporte jurnalistlarining xabar berishicha, "Flamengo" yarim himoyachisi Jerson Sankt-Peterburgning "Zenit" klubining transfer maqsadi hisoblanadi.
Manba bergan xabarga ko‘ra, "ko‘k-oqlar" klublar o‘rtasidagi jahon chempionati yakunlanganidan keyin futbolchining transferini rasmiylashtirishni rejalashtirmoqda.
Potensial kelishuv 25 million yevro atrofida bo‘lishi mumkin. Agar klublar kelishuvga erisha olishsa, Braziliya tomoni yarim himoyachining Rossiyaga o‘tishiga rozilik beradi.
Jerson Yevropada o‘ynash tajribasiga ega. Braziliyalik futbolchi "Roma", "Fiorentina" va "Marsel" klublarida to‘p tepgan.













