Globo Esporte журналистларининг хабар беришича, "Фламенго" ярим ҳимоячиси Жерсон Санкт-Петербургнинг "Зенит" клубининг трансфер мақсади ҳисобланади.
Манба берган хабарга кўра, "кўк-оқлар" клублар ўртасидаги жаҳон чемпионати якунланганидан кейин футболчининг трансферини расмийлаштиришни режалаштирмоқда.
Потенциал келишув 25 миллион евро атрофида бўлиши мумкин. Агар клублар келишувга эриша олишса, Бразилия томони ярим ҳимоячининг Россияга ўтишига розилик беради.
Жерсон Европада ўйнаш тажрибасига эга. Бразилиялик футболчи "Рома", "Фиорентина" ва "Марсель" клубларида тўп тепган.
