"Manchester Siti" markaziy hujumchisi Erling Xoland jamoa darvozaboni Skott Karsonning jamoadan ketishi haqida fikr bildirdi. 39 yoshli futbolchi bilan xayrlashuv 9 iyun kuni e’lon qilingandi.
"Bunday jamoadosh har bir jamoada kerak. Skott, yangi bosqichda senga eng yaxshi tilaklarimni bildiraman," - deb yozadi norvegiyalik to‘purar o‘z ijtimoiy tarmoqlarida.
Eslatib o‘tamiz, Karson 2019 yildan buyon "Manchester Siti" futbolchisi hisoblanadi. Umuman olganda, Skott "shaharliklar" safida atigi ikkita o‘yinda maydonga tushib, uchta gol o‘tkazib yuborgan.













