"Shtutgart" hujumchisi Nik Voltemade Milanning "Inter" klubi qiziqish doirasiga tushib qoldi.
23 yoshli futbolchi Bundesligada yorqin mavsum o‘tkazdi, buning natijasida Germaniya terma jamoasiga taklif bo‘ldi va unga nufuzli klublar qiziqish bildirishdi. La Gazzetta dello Sport nashri tarqatgan xabarga ko‘ra "Inter" forvardni kuzatib bormoqda va uni o‘z safiga qo‘shib olish haqida o‘ylamoqda.
Nik Voltemade o‘tgan mavsumda "Shtutgart" safida 33 ta o‘yinda 17 ta gol va 3 ta golli uzatmani amalga oshirdi. Iyun oyida futbolchi Germaniya terma jamoasi safida Millatlar ligasi yarim finalida Portugaliyaga qarshi o‘yinda debyut qildi.
