"Штутгарт" ҳужумчиси Ник Вольтемаде Миланнинг "Интер" клуби қизиқиш доирасига тушиб қолди.

23 ёшли футболчи Бундеслигада ёрқин мавсум ўтказди, бунинг натижасида Германия терма жамоасига таклиф бўлди ва унга нуфузли клублар қизиқиш билдиришди. La Gazzetta dello Sport нашри тарқатган хабарга кўра "Интер" форвардни кузатиб бормоқда ва уни ўз сафига қўшиб олиш ҳақида ўйламоқда.

Ник Вольтемаде ўтган мавсумда "Штутгарт" сафида 33 та ўйинда 17 та гол ва 3 та голли узатмани амалга оширди. Июнь ойида футболчи Германия терма жамоаси сафида Миллатлар лигаси ярим финалида Португалияга қарши ўйинда дебют қилди.