"Lill" hujumchisi Jonatan Devid hali ham o‘ziga yangi klub tanlamadi.

Jurnalist Ekram Konurning ta’kidlashicha, "Yuventus" va "Napoli" 25 yoshli kanadalik futbolchini o‘z safiga qo‘shib olish bo‘yicha muzokaralarni davom ettirmoqda. Bundan tashqari, Devid xizmatiga Ispaniya La Ligasi, Angliya Premyer-ligasi va Saudiya Arabistoni Pro-ligasi klublari ham qiziqish bildirmoqda. Ta’kidlanishicha, "Lill" bilan muzokaralarga yangi da’vogar - "Fenerbaxche" qo‘shilgan.

Bu mavsumda Devid barcha musobaqalarda 49 ta o‘yinda maydonga tushib, 25 ta gol urdi va 12 ta golli uzatmani amalga oshirdi.

Transfermarkt portali mutaxassislari forvardning narxini 45 million yevroga baholamoqda.