Fransiyaning "Monako" klubi rahbariyati yarim himoyachi Pol Pogbaga 2 mavsumlik shartnoma taklif qildi. Bu haqda insayder Fabrisio Romano o‘zining ijtimoiy tarmoqdagi sahifasida ma’lum qildi.

Manbaga ko‘ra, muzokaralar allaqachon boshlangan. Yaqin kunlarda kelishuvning barcha tafsilotlari hal qilinadi. 32 yoshli Pogba antidoping qoidalarini buzgani uchun bir yarim mavsumni o‘tkazib yubordi. Uning diskvalifikasiyasi shu yilning mart oyida yakuniga yetdi.

Avvalroq, Pogba "Manchester Yunayted" va "Yuventus" klublarida to‘p tepgan. Fransiya terma jamoasi tarkibida futbolchi jahon chempioni bo‘lgan.