Франциянинг "Монако" клуби раҳбарияти ярим ҳимоячи Поль Погбага 2 мавсумлик шартнома таклиф қилди. Бу ҳақда инсайдер Фабрицио Романо ўзининг ижтимоий тармоқдаги саҳифасида маълум қилди.
Манбага кўра, музокаралар аллақачон бошланган. Яқин кунларда келишувнинг барча тафсилотлари ҳал қилинади. 32 ёшли Погба антидопинг қоидаларини бузгани учун бир ярим мавсумни ўтказиб юборди. Унинг дисквалификацияси шу йилнинг март ойида якунига етди.
Аввалроқ, Погба "Манчестер Юнайтед" ва "Ювентус" клубларида тўп тепган. Франция терма жамоаси таркибида футболчи жаҳон чемпиони бўлган.
